Կոմերցիոն և բազմաֆունկցիոնալ շենքերի նախագծում

Կոմերցիոն շենքի հաջողությունը կախված է ոչ միայն տեսքից, այլ նաև տարածքների արդյունավետությունից, մարդկանց և սպասարկման հոսքերի բաժանումից, տեսանելիությունից, մուտքերից, վարձակալվող մակերեսների ճկունությունից և հետագա շահագործման ծախսերից։ Նախագծի սկզբում համադրում ենք բիզնես ծրագիրը, հողամասի տվյալները և քաղաքաշինական պայմանները։

Բազմաֆունկցիոնալ և բազմաբնակարան նախագծերում հատուկ ուշադրություն ենք դարձնում տարբեր գործառույթների համատեղ աշխատանքին։ Բնակելի, առևտրային, գրասենյակային, սպասարկման և տեխնիկական տարածքները պետք է ունենան հասկանալի կապեր՝ առանց իրար խանգարելու։

Ֆասադը մշակում ենք շենքի դիրքավորման, մասշտաբի և կառուցման բյուջեի հետ կապով։ Նյութերի համակարգը, կրկնվող հանգույցները և բացվածքների ռիթմը մտածվում են այնպես, որ ճարտարապետական ինքնությունը պահպանվի նաև իրականացման փուլում։